HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə təhsil sahəsi üzrə #fərqyaratmaqda kömək edə biləcək Proqram Koordinatoru axtarırıq.

Vəzifə təsviri

Proqram Koordinatoru olaraq, Wemark-ın marketinq üzrə təhsil proqramlarının strukturunun qurulması, əlaqələndirilməsi və davamlı inkişafına rəhbərlik edəcəksiniz. Kurs cədvəllərinin planlaşdırılmasından və təlimçilərə dəstək göstərilməsindən başlayaraq, iştirakçılarla fasiləsiz ünsiyyətin və yüksək keyfiyyətli tədris təcrübəsinin təmin olunmasına qədər bütün prosesi idarə edəcəksiniz.

Siz proqramın gündəlik əməliyyatlarına nəzarət edəcəksiniz — məzmunun hazırlanması və sessiyaların planlaşdırılmasından tutmuş kommunikasiya idarəçiliyi və performansın izlənməsinə qədər bütün mərhələlərdə düzgün icra və davamlı inkişafı təmin edəcəksiniz. Bu rol təhsil, marketinq yönümlü karyera inkişafı və icma quruculuğuna güclü marağı olan, fəal və detallara diqqət yetirən peşəkar üçün nəzərdə tutulub.

Vəzifə üzrə tələblər

Təhsil, Marketinq və ya əlaqəli sahə üzrə bakalavr dərəcəsi. Xaricdə MBA dərəcəsi üstünlükdür.
Proqram koordinasiyası və ya akademik dəstək sahəsində 1-2 il iş təcrübəsi.
Universitet strukturları (sillabus, kreditlər, qiymətləndirmə sistemləri) ilə tanışlıq.
Güclü ünsiyyət və e-poçt yazışma bacarığı.
Təlimatçıları dəstəkləmək, materialları idarə etmək və tapşırıqları yoxlamaq bacarığı.
Özünü motivasiya edən, həll yönümlü və müstəqil təşəbbüs göstərmə bacarığı.
Yüksək təşkilatçılıq və vaxt idarəetmə bacarığı.
Gənc mütəxəssislərlə işləmək və fəal icma quruculuğuna həvəs.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Proqram koordinatoru

Daha çox fürsət