HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək İnsan Kapitalının İnkişafı və İdarəedilməsi üzrə Departament Rəhbəri axtarırıq.

Vəzifə Təsviri

İnsan Kapitalının İnkişafı və İdarəedilməsi üzrə Departament Rəhbəri olaraq, siz şirkətimizin iş mühitini formalaşdıracaq və insan yönümlü strategiyalarımızın şirkətin missiyası və vizyonu ilə uyğun qurulmasını təmin edəcəksiniz.

Bu rolda siz insan kapitalının idarə edilməsi və inkişafının hər bir etapına - işə qəbul və əməkdaşların adaptasiyasından, karyera inkişafı və performans idarəetməsinə qədər bütün istedad idarəetmə proseslərinə rəhbərlik edəcəksiniz. İstedadları işə cəlb etmək, onların şirkətə bağlılığını gücləndirmək və inkişafına dəstək olmaq üçün əsaslı sistemlər quracaq, iş mühitinin daha effektiv və dəstəkləyici olmasını təmin edəcəksiniz. Bundan əlavə, məzuniyyət, istirahət günləri və digər insan resursları proseslərinə dair siyasətləri tənzimləyərək, ədalətli və səmərəli sistemin qurulmasını təmin edəcəksiniz.

Yalnız inzibati prosesləri idarə etməklə kifayətlənməyib, həm də əməkdaşların bağlılığını artırmaq, komanda ruhunu gücləndirmək və ilhamverici bir iş mühiti yaratmaq üçün müxtəlif təşəbbüslərə rəhbərlik edəcəksiniz. Şirkət mədəniyyətimizin əsas memarlarından biri kimi, motivasiyalı və yüksək performanslı komanda formalaşdıracaq və əməkdaşların dəyərli və səlahiyyətli hiss etdiyi iş mühitinin qurulmasına töhfə verəcəksiniz.

Vəzifə üzrə tələblər

İnsan Resursları, Biznes İdarəçiliyi və ya müvafiq sahə üzrə bakalavr dərəcəsi.
İnsan Kapitalının idarəedilməsində və ya İnsan Kapitalı əməliyyatlarında 5+ il təcrübə, o cümlədən 2+ il rəhbər vəzifədə çalışmaq təcrübəsi.
Şirkət mədəniyyətinin formalaşdırılması və əməkdaş bağlılığının artırılması üzrə sübut olunmuş təcrübə.
İstedad cəlbi, işə qəbul, adaptasiya və əməkdaş bağlılığı strategiyaları üzrə dərin biliklər.
Performans idarəetməsi və əməkdaşların karyera inkişafını dəstəkləmə sahəsində güclü bacarıqlar.
Bütün təşkilati səviyyələrdə əlaqələr qurmaq üçün mükəmməl ünsiyyət və sosial bacarıqlar.
Motivasiyalı və məhsuldar iş mühiti yaratmaq üçün yüksək emosional zəka və təşəbbüskarlıq.
Əmək qanunvericiliyi və İK sahəsində qabaqcıl təcrübələr üzrə geniş biliklər. Şirkətin yerli və beynəlxalq qanunvericiliyə, daxili qaydalara və etik standartlara uyğun fəaliyyət göstərməsini təmin edən proseslərin və siyasətlərin idarə edilməsi sahəsində təcrübə.
Sənədlərlə işləmə və detallara yüksək diqqət yetirmək bacarığı.
Təşkilati bacarıqlar.
Müsbət əməkdaşlıq ruhunu qoruyaraq komandaya rəhbərlik etmək və onu motivasiya etmək bacarığı..
Operativlik, dəqiqlik və analitik düşüncə ilə problem həll etmə bacarığı.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

İnsan Kapitalının İnkişafı və İdarəedilməsi üzrə Departament Rəhbəri

Daha çox fürsət