HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Rəqəmsal Marketinq Mütəxəssisi (mobil tətbiq üzrə) axtarırıq.

VƏZİFƏ TƏSVİRİ

Rəqəmsal Marketinq Mütəxəssisi olaraq siz müştərilərimizin mobil tətbiqləri üzrə istifadəçi cəlbini təmin edən rəqəmsal marketinq kampaniyalarının hazırlanması və icrasının təmin edilməsinə cavabdeh olacaqsınız. Effektiv kampaniya yaradılması üçün peşəkar komanda ilə əməkdaşlıq etməklə strategiyadan icrayadək rəqəmsal marketinqin hər bir mərhələsində iştirak edəcəksiniz. Mövcud mobil tətbiqin istifadəsinin optimallaşdırılması, ödənişli kampaniyaların idarə edilməsi, yeni inkişaf imkanlarını, alətləri və platformaları araşdırmaqla ümumi mobil inkişaf strategiyasına töhfə vere biləcəksiniz.

Həmçinin Google Ads, Meta və s. ödənişli kanallar vasitəsi ilə kampaniyalarını idarə edilməsi, yükləmələri və istifadəçi cəlbini artırmaq üçün app store siyahılarını optimallaşdırılması (App Store və Google Play) və səmərəli xərcləməni təmin etmək üçün A/B testi və performans təhlilinin aparılması və maksimum investisiya gəlirinin hədəflənməsi ( ROİ) vəzifə öhdəliklərinə daxildir. Yenilikçi və effektiv kampaniya strategiyalarını təmin etmək üçün ən son rəqəmsal marketinq tendensiyaları və texnoloji yeniliklərin izlənməsi də iş prosesinin zəruri hissəsidir.

VƏZİFƏ ÜZRƏ TƏLƏBLƏR

Marketinq, Rəqəmsal Marketinq və ya əlaqəli sahədə bakalavr dərəcəsi.
Rəqəmsal marketinq sahəsində minimum 2 il iş təcrübəsi (iOS və Android platformaları üzrə mobil marketinq təcrübəsi üstünlükdür).
Mobil proqramlar üçün ödənişli kampaniyaların həyata keçirilməsi üzrə təcrübə.
ASO, mobil proqram analitikası və istifadəçi əldə etmə strategiyaları üzrə bilik və tətbiqi üzrə bacarıqlar.
Mobil marketinq alətlərindən istifadə qabiliyyəti; (Google Ads, Meta ADS, Firebase, Adjust, Appsflyer).
Məlumatları analitik şərh etmək və məlumatlara əsaslanan qərarlar qəbul etmək qabiliyyəti.
İstifadəçi təcrübəsi (UX) və tətbiqdaxili əməkdaşlıq üsullarına dair biliklər.
Güclü ünsiyyət və layihə idarəetmə bacarığı.

NİYƏ WEMARK

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız.

Rəqəmsal marketinq mütəxəssisi (mobil tətbiq üzrə)

Daha çox fürsət