HAQQIMIZDA

Wemark – media, texnologiya və yeni ideyalar vasitəsilə brendlərin auditoriyası ilə daha sıx əlaqə qurmasına kömək edən tam xidmətli konsaltinq və istehsalat laboratoriyasıdır.

Wemark-ı dəyər zəncirində marketinqin mərkəzi rol oynadığı şirkətlər üçün biznes sürətləndiricisi kimi təsəvvür edə bilərsiniz – biz şirkətlərin maliyyə və strateji hədəflərinə doğru irəliləməsinə və yeni zirvələrə yüksəlməsinə kömək edirik.

Bizim vizyonumuz təsəvvürümüzdən daha irəlidədir. Wemark-da biz təsəvvür edə biləcəyiniz hər şeyin real olduğuna inanır və ən son texnologiya ilə düzgün dizaynı istifadə edərək bunu həyata keçiririk.

Hazırda bizə #fərqyaratmaqda kömək edə biləcək Kopiraytinq üzrə qrup rəhbəri axtarırıq.

Vəzifə təsviri

Kopiraytinq üzrə qrup rəhbəri olaraq, siz müştərilərimizin brendlərinin üslub və tonunu formalaşdıracaq və kopiraytinq komandasına rəhbərlik edəcəksiniz. Siz yerinə yetirilmiş işin müştəri tələblərinə uyğun olmasını və gözləntilərini qarşılamasını təmin edərək, bütün kopiraytinq proseslərinə – ideyaların yaradılmasından və strateji planlamaya qədər məzmunun hazırlanması və performansın qiymətləndirilməsinədək – nəzarət edəcəksiniz.

Sizin rolunuz yalnız layihə idarəçiliyi ilə məhdudlaşmır; siz yaradıcı istiqamət verəcək, komandaya rəhbərlik və mentorluq edəcək, tapşırıqların effektiv bölüşdürülməsinə və komanda daxili əməkdaşlığa əsaslanan iş mühitinin qorunmasına kömək edəcəksiniz. Komandanızın potensialını inkişaf etdirməyə yönəlmiş addımlar ataraq, onların təsirli məzmun yaratmasına dəstək olacaq, müştərilərimizin brendlərinin güclənməsinə və hədəf auditoriyaya uğurla çatmasına töhfə verəcəksiniz.

Vəzifə üzrə tələblər

Kopiraytinq, məzmun yaradılması və ya media sahəsində 3 il kopirayter kimi iş təcrübəsi.
Güclü liderlik və mentorluq bacarıqları.
Əla ünsiyyət, yazı və redaktə bacarıqları.
Marketinq prinsipləri və məzmun strategiyaları haqqında biliklər.
Layihələri idarə etmək və paralel olaraq müxtəlif tapşırıqları yerinə yetirmək bacarığı.
Yaradıcı və strateji düşünmə qabiliyyəti.
Komanda ilə işləmək bacarığı.

Niyə wemark

Wemark, sizə real iş nümunələri və təhsil proqramları vasitəsilə aydın karyera planı və çoxsaylı şəxsi inkişaf imkanları təklif edir. Wemark-da siz açıq fikirli startap mədəniyyəti mühitində özünüzü reallaşdıraraq, öyrənməkdən və iş prosesindən həzz alacaqsınız. Davamlı inkişaf edən 50 nəfərlik komandamızla birlikdə Wemark-ı daha da gücləndirmək üçün bizə qoşulmağa dəvət edirik!

Kopiraytinq üzrə qrup rəhbəri

Daha çox fürsət