Wemark komandası olaraq, Fəridə İsmayılovanın Marketinq və Kommunikasiya Departamentinin rəhbəri vəzifəsinə təyin olunmasını məmnuniyyətlə elan edirik.

Fəridə xanımın Wemark yarandıqdan sonra ilk rəhbər səviyyəli təyyinat olması bu hadisəni bizim üçün xüsusilə əlamətdar edir.

Onun elektronika (Samsung), avtomobil (SR Group & Maserati), moda (Sinteks & Mothercare) və əyləncə (Solong) kimi müxtəlif sahələrdə zəngin təcrübəyə sahib olması Wemark-ın müştəri portfeli ilə qüsursuz uzlaşır və marketinq strategiyalarımızı daha da gücləndirməyə inam yaradır.

Yeni vəzifəsində Fəridə xanım Sosial Media Marketinqi, MarKom Kanalları, Kampaniyalar, İnfluencer Əməkdaşlıqları və Tədbirlər də daxil olmaqla Wemark-ın bütün marketinq və kommunikasiya fəaliyyətlərinə rəhbərlik edəcək. Wemark-ın təsisçisi və CEO-su Vüqar Mehdiyevin də qeyd etdiyi kimi, Fəridənin bu sahəyə liderliyi növbəti təşəbbüslərimizin təkcə Wemark standartlarına uyğun olmasını deyil, eyni zamanda ölçülə bilən real dəyər yaratmasını təmin edəcək.

Fəridənin gəlişini daha da mənalı edən onun gətirdiyi ruhdur. Wemark-a qoşulma səbəbini belə izah edir:

“Həmişə insanlarla işləməyə, dinamik komandanın bir hissəsi olmağa və təcrübəmlə kiminsə həyatına müsbət təsir göstərməyə həvəsli olmuşam. Wemark-ın enerjisi və ambisiyası elə bir mühit yaradır ki, burada mən yaradıcı və pozitiv yanaşmamla həm təsirli marketinq işləri formalaşdıra və həm də daha çox insanın peşəkar yoluna öz töhvəmi verə bilərəm.”

Qeyd edək ki, Fəridə xanım təkcə peşəkar deyil, eyni zamanda kəşf etməyi sevən bir fərddir. O, özünü övladının dünyanı tanıma sevinci ilə qürur duyan bir ana, dəyərli övlad, sadiq dost və maraqlı təbiətli bir insan kimi təqdim edir. İstər sənətində, istərsə də sadə insan münasibətlərində ilham axtaran Fəridənin bu yanaşması, Wemark fərqinin əsasını təşkil edir.

Xoş gəldin, Fəridə. Birlikdə #FərqiYaratmağa davam edək!

Fəridə İsmayılova Wemark-da Marketinq və Kommunikasiya Rəhbəri Təyin Olundu

Digər Xəbərlər